No.3630/2021-2022

Aizawl, the 11th January, 2022:  Vawiin khan Pu C.C. Lalchhuangkima, Deputy Commissioner & Chairman, District Disaster Management Authority, Khawzawl District ruahmannain Covid-19 Zonal Officer ruat ten Khawzawl District chhunga tunhnaia Covid-19 positive hmuhchhuahna khaw 14 (sawmpali) an tlawh a, VLTF te nen inkawmin a tul ang zelin tanpuina pawisafai an hlan.
 

Zonal Officer-te hian Covid-19 positive case tam chhante, positive mekte enkawl an nih dante a hmunah kalin an enfiah a. VLTF leh khawtlang hruaitu dangte nen inkawmna hun neiin, Covid-19 hrileng dona kawnga an mamawh leh hmalak zel dan turte an sawipui a. Positive awmna chhungkuaten eibar zawn kawnga harsatna an tawh theihte pawh zawhchian niin, Community Covid Care Centre (4C) te a hmunah tlawh nghal a ni a, hmanraw mamawh hrang hrangte endik nghal a ni bawk a ni.

Khawzawl District chhunga khaw hrang hrangte hi Additional DC Pu Lalrohlua, SDO (Sadar) Pu James Lalnithanga, Pu Vantlangkhuma, Superintendent, DC Office leh Pu Biakchungnunga, Accounts Manager, DRDA leh Pu TBC Lalthangzawna, JE, PHE Department ten bial insemin an tlawh a. Kawlkulh, Puilo, Chhawrtui, Rabung, Aiduzawl, Khualen, Khawhai, New Chalrang, Chalrang, Lungtan, Biate, Sialhawk, Chawngtlai leh Tualte an tlawhnaahte hian VLTF leh khawtlang hruaitu dangten Zonal Officer-te an lo tawiawm theuh a ni.

Attachment

  • Loading attachment...