No.1180/2021-2022
Aizawl, the 29th June, 2021: Mizoram sawrkar Health Department chuan a hnuaia mi ang hian hriattirna a tichhuak.
Mizoram Sawrkar chuan COVID-I9 hri kai nia rinhlelhte rang taka an dinhmun hriat vat leh COVID positive te hi rang taka dah hrana, treatment tul ang pek nghal zel a duh avangin Covid-l9 hri len nasat chhung atan a hnuaia tar lan ang hian kalphung a duang a. Hei hi he order chhuah atanga thu dang awm hma atan hman tur a ni:
1. COVID-l9 hri kai nia inrinhlelhna nei leh a duh apiangte'n awlsam taka an pan theih turin RAgT hmanga Covid- 19 test-na tur Kiosk hi a tam thei ang ber, veng leh khaw chhunga a thawktu tur leh a hmunhma remchang awm theihna hmun apiangah din tur a ni a. Chutianga tih tulna leh remchang nei veng leh khuaa Local Level Task Force/ Village Level Task Force te'n anmahni bialtu Chief Medical Officer hnenah report zel tur a ni a. Chief Medical Officer chuan a tul angin a lo bawhzui nghal zel ang.
2. Health & Family Welfare Department-in khawtual mite nena tanghova a din Kiosk ah chuan veng/ khaw dang atanga test mamawh rawn pantute pawh hnar lovin an test ve zel tur a ni.
3. Covid test ti turte'n an hriselna dinhmun sawi chiangin mahni veng LLTF/ VLTF te hriattir hmasak zel tur a ni a. Symptom nei lo nia hriatte chuan Kiosk hi an remchan danin an pan mai thei ang.
3.1 LLTF te hian test ti duhte chu Covid-19 symptom nei nia an rinhlelh chuan chutiang mite chu Kiosk pan mai lova an thu ngaichang leh phawt turin an hrilh ang a. Anmahni bialtu Health Department official te nena inrawnin Swab sample lak dan tur an relho ang a. An thu lakna chu LLTFI/VLTF te'n symptom nei Test ti duhte an hriattir nghal zel ang a, chu chu test ti turte'n an zawm zel tur a ni.
4. Sawrkar din Covid Testing Kiosk a Covid-I9 test man Rs. 200/- bithliah hi a pe theite'n an pe zel ang. Sum harsat avanga Test man pe thei lote tan erawh chuan chawi a ngai lo ang. Audit a buai awm lo turin Kiosk-a thawktute'n chutianga test man pekte leh awltirte chu SRF ID nen an chhinchhiah zel ang.
