No.1179/2021-2022
Aizawl 29th June 2021: Aizawl DC chuan Saron Veng hmun thenkhat Containment Zone/Area-a puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh he Office lehkha No.C.16011/298/2020-DC(A)/Lockdown Dt.24/05/2021 hmangin Saron Veng hmun thenkhat chu Containment Zone/Area-ah puan a lo ni tawh a, Aizawl DC Office lehkha No.C.16011/298/2020-DC(A)/Lockdown Dt. 28/05/2021 leh Dt. 28/06/2021 hmangin Containment Zone/Area puan belhna Order chhuah a lo ni tawh bawk. Tin, Saron Veng hmun thenkhat chu Aizawl DC Office lehkha No.C.16011/298/ 2020-DC(A)/Lockdown Dt. 18/06/2021, Dt.22/06/2021, Dt.23/06/2021 leh Dt.28/06/2021 hmangin Containment Zone/ Area-a puan tawh sawrzim Order chhuah a lo ni tawh bawk.
Chief Medical Officer, Aizawl East in a zirchianna leh a tul anga hma a lak hnuin, Saron Veng Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Saron Veng hmun thenkhat Containment Zone/Area-a lo puan tawh chu 29.06.2021 (Thawhlehni) Zan dar 10:00 atangin hlih a ni.
Containment Area hlih tur huamchhung :-
Vanapa section: Police run.
Heng area bak, Saron Veng hmun thenkhat a Containment Zone/Area-a lo puan tawhte chu Containment Zone/Area-a la puan chhunzawm a ni ang.
Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.
