Vawiin chawhnu khan DC Conference Hall-ah Addl. DC & ERO Pu Zoengsanga kaihhruaina in Champhai District chhunga Vulnerable Polling Station leh Critical Polling Station chungchang thlirhona lehsiamthat dan tur chungchang ngaihtuah a ni.

Champhai District chhunga A/c 5 huama Polling Station 133 neih mekah Critical Polling Station 23 a awm a,  heng Polling Station te zingah hian highly Critical Polling Station (Polling Station bik venhim ngai zual bik) ti a vuah 5 awmin,  25 A/c East Tuipui  biala  Vaphai 1, Vaphai 11,  Saikhumphai,  Farkawn 1 leh Farkawn 11 te an ni. 

Critical Polling Station (Polling Station in a huamchhung area venhim ngaizual bik) ah Polling Station 18 awmin :

1).  21 A/c Lengteng bial chhunga Polling Station 8,  Chiahpui, Khawkawn, Mimbung 1, Mimbung 11, Hrianghmun, Teikhang leh Kawlbem te an ni.

2).  23 A/c Champhai North bial chhung Polling Station 8,  Selam, Vaikhawtlang, Khuangphah, Lungphunlian, Hnahlan 1, Hnahlan 11, Vapar leh Ngur te an ni.

 3).  24 A/c Champhai South bial chhung Polling Station 3, Bethel I, Bethel II leh Champhai Vengthar te chu Critical Polling Station a puan a ni bawk.

Champhai District chhungah inthlanna thianghlim leh felfai zawk neih anih theih nan,  nikuma MLA inthlana Critical Polling Station a puan tawhte chu ngun taka ngaihtuah a ni a.  Heng Critical Polling Station 23 puan takahte hian inthlanna felfai tak leh tluang taka neih a lo anih tawh avangin Sectoral Magistrate ten a hmun ngeiah kala uluk taka an enfiah hnuah Polling Station 7,  heng Vaphai 1 & 11,  Saikhumphai, khawkawn, Mimbung 1, Vaikhawtlang leh Lungtan Polling Station te chauh hi Critical Polling Station a puang turin rawtna siam nise an ti a ni.

Vawiina hemi chungchang ngaihtuahna-ah hian Champhai District ERO, AERO,  Election Officer leh Addl. SP te an tel a ni.