Dt 22-24th Oct, 2019 chhung hian SIRD, Kolasib ah CRP-EP ( Community Resource Person for Enterprise Promotion) thlanchhuah mi 12 te pualin Training neih a ni, CRP-EP te hian Thingdawl block leh Bilkhawthlir block huam chhunga khaw 34 an enkawl dawn a, he project hnuaiah hian Entrepreneur mi 800 thlanchhuah an ni dawn a, National Rural Livelihood Mission, Ministry of Rural Development hnuaiah, India rama District thlanchhuah bik te pualin SVEP (Start up Village Entrepreneurship Programme) hi kalpui niin Mizoram ah Kolasib District leh Serchhip District thlan niin Pilot Project kalpui mek a ni a, Mission Foundation Movement chu Kolasib district a hnathawk tura PIA (Project Implementing Agency) atan Central sawrkar in a thlan te an ni.

A project hi kum thum chhung kalpui tan phawt tur niin, Potential survey, tratified survey, Household Survey - te zawh tawh a ni a, Kolasib district chhunga SHGs family ten mahni kutkawih a eizawnna ngelnghet leh Entrepreneurship lama ke an penna tura Project duan a ni. Mizoram State Rural Livelihood nen tangkawp in he Project hi kalpui a ni.

Training hi Pu LH Lalnunzauva Project Manager leh Laltanpuia Mentor, Mission Foundation Movement ten an pe a ni. Lalrokhawma, BPM, MzSRLM Kolasib District in NRLM leh MzSRLM hnathawhte a sawifiah bawk.