Vawiin khan Chief Secretary Conference Hall ah Chief Secretary hovin NLUP line Department zawng zawngte leh Rural Development Department, Home Department, I&PR Department, Finance Department, RBI leh SBI hotute nen maating neih a ni.
He meeting ah hian pawisa thi (demonitisation) avanga mipui in harsatna hrang hrang an tawh theih chungchang sawiho a ni. Sawrkarin Scheme a kalpui mek NLUP,MGREGS leh Bru laklet chungchang te sawiho a ni a. NLUP hnuaiah AH&Vety Department in ran leina tur atan 22 crore mamawh thu te, MGREGS hlawh te Bank a lak ni mahse pawisa nawi a awm loh chuan harsatna a thlen theih thu te, Sawrkar Program pawimawh zual ti bahlah lova a kal tluan theih nan leh Krismas hunpui te mipuiin harsatna tawk lutuk lova an awm theih nan hma lak dan tur sawiho a ni a, a tul chuan Central Ministry hnena thlen nise tiin an rel.
Sumdawng mamawh te tan POS(Swipe Machine) SBI ah ngaihven theih a ni thu te, pawisa nawi nei apiangin ten hupbet mai lova hman zel a pawimawh thu leh pawisa note te zawk leh note thar RBI atanga lo thawn mek zel anih thu te sawi a ni bawk.
