Dated 16.11.2016 Nilaini hian Food, Civil Supplies & Consumer Affairs Minister Pu John Rotluangliana chuan a bial Lengpui,Lengte leh Nghalchawm te tlawhin Public Meeting a neihpui.

Pu John Rotluangliana chuan Mizoram sawrkarin mipui tan hmasawnna hna a thawh mek chhawr tangkai a, NLUP sum an dawn te rinawm taka hmang turin a fuih a. Ei leh bara intodelh turin sawrkar tanpuina chauhva innghat lova, taimakna leh thahnemngaihna nen an mawhphurhna hlenchhuak turin a chah a ni. Gas chungchang sawiin Supply Minister chuan gas buk tling zawk leh thianghlim zawk kan hman theih nan CYMA leh sawrkar an tangho a, contractor ten an phur tha duhlo a nih chuan sorkar in gas kan phurh theihna atan IOC hotute nen inremsiamin tunah chuan Mualkhang leh Borkhola atangin truck trip 10 chuang a lo chho ziah tawh a ni a ti. A bialchhung Mamit kawng chungchang pawh sawiin kawng tha zawk neih duh vanga kawng chhe rih chu tuar hram hram turin a ngen a. Kawng tha leh lian zawk kan neih theih nan sawrkar in ruahmanna a siam mek a ni, Minister chuan a ti bawk.

Minister Pu John Rotluangliana hian a bial chhung Rawpuichhip, Dapchhuah, Hmunpui leh West Serzawl khua a tlawh nghal bawk a ni.