3670/2022-2023

Lunglei the 24th February, 2023 : Corporate Social Responsibility (CSR) kaltlanga nikum November thlaa Lungleia lung lam leh cancer natna a thlawna inentirna ‘FREE CARDIOLOGY & ONCOLOGY HEALTH CAMP’ neih hmalakna kal zelah phai hospital lama zai ngai lung natna nei mi pasarih (7) leh an chhungte’n nimin khan Chennai an thleng a ni.

Heng damlo pasarih te hi Shri Ramachandra Medical Centre, Chennai ah nimin khan admit nghal niin a thlawnin zai an ni dawn a, damdawiina an awm man leh an inenkawlna man zawng zawng te hi a thlawn veka tih sak an ni dawn a ni.

Heng damlo zai tur te hi mipa paruk leh hmeichhia pakhat niin an zinga naupang ber hi mipa kum 2 mi niin, a upa ber hi mipa kum 75 mi a ni a. Salem Veng, Lunglei; Lunglawn, Lunglei; Ramthar, Lunglei; Sethlun, Lunglei; Bazar Veng, Hnahthial atangin mi pakhat theuh leh Rangte khua atangin mi pahnih an tel a ni.

He hmalakna hi Lunglei District administration leh Shri Ramachandra Medical Centre, Chennai te tangkawp buatsaih niin Corporate Social Responsibility (CSR) hnuaia hmalakna a ni.