No.995/2021-2022 
Aizawl 16th June 2021: Covid-19 hrileng dona kawnga hmanraw pawimawh hrang hrang CSR kaltlanga Vision IAS Academy, New Delhi atanga Aizawl DC Office-in a dawn te chu vawiin chawhnu khan Dr. Lalhriatzuali Ralte, DC, Aizawl chuan semchhuahna hun a pisa-ah a hmang a.

He hun-ah hian Sr. Superintendent of Police, Chief Medical Officer, Aizawl East leh West leh ZMC aiawh te an tel a, Oxygen Concentrator, Oxymeter, PPE suit leh BiPAP Ventilator CSR kaltlanga dawn leh te chu tul anga hman theih turin Aizawl CMO East leh West, ZMC-ah leh SP Office hnenah hetiang hian hlan a ni:

1. CMO Aizawl East hnenah Oxygen Concentrator 10  leh Oxymeter 30
2. CMO Aizawl West hnenah Oxygen Concentrator 5  leh Oxymeter 17
3. Zoram Medical College (ZMC)-ah BiPAP Ventilator 6 leh;
4. Superintendent of Police (SP) Office- ah Oxymeter 2 leh PPE set 50.

June 10, 2021 khan hmanrua chi hrang hrang chu LLTF/VLTF-ah leh 4C a hman turin semchhuah a lo ni tawh bawk a ni.