No.2079/2021-2022

Aizawl 1.9.2021: Vawiin khan Lunglei DC Pu Kulothungan A kaihhruaiin a office chamber-ah CSR kaltlanga Lunglei District-a Anganwadi Centre thlanchhuah te chei that dan tur sawiho a ni. He hmalakna atan hian Central Warehousing Corporation, Guwahati atangin CSR cheng nuai 6.50 dawn niin Anganwadi Centre thlanchhuah panga (Rahsiveng I, Bazar III, Pukpui I&II, Lungpuizawl II) te chu ‘BALA Anganwadi Centre’ atan chei that tum an ni.

Meeting-ah hian Lunglei DC Office hotute, Social Welfare, DRDA, I&PR, Horticulture Department official-te telin he project ti hlawltling tura hmalak tul te sawihovin mawhphurna an in sem a ni.

Lunglei DC Pu Kulothungan A chuan naupan tet laia inzirtirna leh inkaihhruaina (early childhood education) a pawimawh takzet thu sawiin hmasawnna daih rei leh tlo nei turin zirna lama hmasawn chu thil pawimawh hmasa berte zing ami a ni, a ti. ‘BALA (Building as Learning Aid) Anganwadi Centre’ awmzia pawh sawifiahin he hmalakna hnuaiah hian Anganwadi Centre thlanchhuah ah te naupangte zirna kawnga puitu (learning aid) hrang hrang ruahman sak tur niin a building-ah hian lemziak thiam ten naupang hriat tur pawimawh hrang hrang an ziah dawn bakah thlai chinna hmun (vegetable garden) te ruahman a ni ang. Lunglei DC chuan he hmalakna hi Thenzawl SDO (C) anih laia Thenzawl khua ah hlawhtling taka alo kalpui tawh thu leh Lunglei District-ah pawh hlawhtling taka kalpui anih ngei a beisei thu sawiin kalkhawmte chu an mawhphurna hlenchhuak tura theihtawp chhuah theuh turin a sawm a ni.

‘Implementing BALA Anganwadi Centre under CSR for Lunglei District’ hi thla hnih chhunga zawh fel tum a ni.