No.2080/2021-2022

Aizawl the 1st September, 2021 : Vawiin khan Fairelbel Utilization Committee chu an chairman, Dr Lalhriatzuali Ralte, Deputy Commissioner hovin DC Conference Hall-ah an thukhawm a. Fairelbel Charity Fund a sum tlingkhawm Rs.23,45,000 /- hmanga AMC huamchhung veng hrang hranga Covid-19 avanga miharsa zual chhawmdawl dan tur an rel ho a ni.

Aizawl DC hmalaknain Covid 19 Lockdown leh a kaihhnawih thil avanga harsatna tawk, in luah man pawh pe theilo leh damloh buaina avangte a tanpui a nih theih nan Committee, ‘Fairelbel’ din a ni a. Hemi atan hian ZONET leh LPS Cable TV te chuan Live Charity Concert buatsaihin hetah hian mipui ten an thawhkhawm sum tlingkhawm Rs.23,45,000 /- chu DC kutah an hlan a ni.

Vawiin Fairelbel Utilization Committee thukhawm chuan sum tlingkhawmte hi dinhmun phet tawh puih ngai tak takte hnena hlan dan tur an sawi hova. Veng tin a YMA te chu hetiang mi chhawmdawl ngaite lo dap chhuak tura ngen nise an ti bawk.