No.3412/2021-2022
Aizawl the 15th December, 2021 : Vawiin khan Home Secretary, Pu Vanlalngaihsaka hovin SAD Conference Hall ah Cyber Jaagrookta Diwas neih dan tur duan a ni.

Internet kaltlanga sualna tam tak inrawk, in bum leh tihduhdahna Cyber Crime tunlai khawvela hluar tawh tak chuan Mizoram pawh zuah lovin ram kilkhawra awm ni mahse he sualna hian mizoram a run nasa in Police lam te pawhin case engemawzat an lo hmachhawn tawh a. Hei vang hian sawrkar chuan Cyber Crime chungchang leh a inven dan tur nasa taka inzirtirna neih a tum a. Vawiin a meeting hian nakum chhung atan programme hrang hrangte a duang nghal a, January ni 5 ah Kickoff, a hawnna Home Minister in neise tiin a rel a ni.

Cyber Jaagrookta Diwas hi internet kaltlanga sualna leh inbumna hrang hrang inhrilhhriatna leh a invenna tur inzirtirna programme a ni a. India sawrkar chuan he thil hlauhawm tak laka mite kan fimkhura kan him theih nan State tinte chu hetiang programme hi hmang turin a hrilh a ni.

Cyber crime tia hriat sualna reng reng te hi case ziahluh a tam tawh bakah hetiang hmanga sum inruksak leh inbumna te hi ngaiawh leh hmuhlet a theih tawh loh bakah a sum hloh pawh lak let theihloh a ni fo tih sawilan a ni a.

Sikul naupang te, khawtlang leh Kohhran hruaitute leh kum upate chu a bik taka zirtirna pek an nih dawn bakah TV kaltlang te pawhin hun hman a ni dawn a ni.