2414/2022-2023
Champhai, the 24th October, 2022: Regional Meteorological Centre, New Delhi leh State Meteorological Centre, Govt. of Mizoram-in a tihchhuah angin Bay of Bengal chhimchhak lama Cyclone insiam mekin Mizoram chu October ni 25, 2022 ah a hrut ve thei tura ngaih a ni a. Hemi ni hian Cyclone hi darkar khatah kilometre 45-60 vela chaka nain thawk tura ngaih a ni.
He Cyclone avang hian October ni 24, 25 leh 26, 2022 ahte hian ruah tam tak sur thei a ni bawk a, Cyclone thleng thut palh thei leh chhiatna thleng theite lakah Champhai District mipuite fimkhur turin leh inkaihhruainate zawm turin District Bawrhsap Pu James Lalrinchhana, Chairman, District Disaster Management Authority (DDMA) chuan a hnuaia hriattirna hi a chhuah a ni:
1. Mahni in leh lo te thli leh ruah a dawl theih nan a tul anga thawm that ngai laite thawm that tur a ni. Tui paihna leh tui luankawrte mumal taka siam tur a ni.
2. Thing leh mau, thli in a len thluk mai theih, electric wire delh mai theihte chu kih/a zar thlak tur a ni.
3. Ruah sur avanga leimin thei laite hriatchian a fimkhur ni se.
4. Tui hmun, lui leh ramhnuaiahte kal loh a tha.
5. Thlipui leh ruah avanga eng (current) neih loh palh theih avangin electric hmang bungruate charge lawk tur a ni. Rikrum thila mamawh tur torch-light, emergency light, first-aid kit, tuithianghlim etc lo inrin tur a ni.
6. Tul tawpkhawkah lo chuan hemi hun chhung hian zin loh ni se. Zin ngei a ngai anih pawhin tangkhan palh thulha mamawh tur tui thianghlim leh eiturte, bawngtuthlawh, suahdur leh chemte inrin ni se.
7. Tumah chiai loh tur a ni a, thuneitute thuchhuah uluk taka ngaihchana zawm zel tur a ni.
8. Thudik tawklo leh belh chian dawl lo theh darh loh tur a ni a, lo theh darh an awm chuan Disaster Management Act, 2005; Section-52 hnuaia hremna dan ziak angin District Magistrate-in action a la ang.
Chhiatna alo thlenin a hnuaia Zonal Officer-te hi engtiklai pawhin Phone Call hmangin hriattir theih an ni:
1. Champhai RD Block: Pu Vanlalchhuanliana, BDO, Champhai RD Block. No. 8974591417
2. Khawbung RD Block: Pu K.Lalhlimpuia, BDO, Khawbung RD Block, Ph.No. 9612123192
3. Champhai Town Area: Pu VL Hruaimawia, DO, DM&R Champhai. Ph.No. 9862767718
