2452/2023-2024
Hnahthial the 23rd October 2023: Hnahthial District Bawrhsap Pu Chuauhnuna chuan vawiin khan Bay of Bengal a thlipui (cyclone) insiam tan, India hmarchhak pan mek chungchangah Hnahthial District mipuite tan a hnuai ang hian thu a chhuah.
India Meteorological Department, Ministry of Earth Sciences, Govt. of India-in a tarlan danin October 23, 2023 chawhma lam a Bay of Bengal-a Cyclone insiam chuan India Hmarchhak lam a pan a, la kal zel tura ngaih a ni. Cyclone hi Mizoram tan chuan hlauhawm lo tura ngaih ni mah se, October 24, 2023 (Thawhlehni) leh October 25, 2023 (Nilaini) hian Mizoram hmun tinah ruah sur tura ngaih a ni a, Hnahthial District mipuite khawchin ngaichang turin kan inhriattir a ni.
Cyclone chungchangah hian chiaina tur a awm lova, chuvangin mi tumahin thu belhchian dawl lo theh darh loh tur a ni. Amaherawhchu chhiaina thleng palh ve thei a nih avangin Village Disaster Management Committee te a tul anga lo inring lawk turin kan inhriattir a. Chhiatna thleng palh a awm a nih chuan District Administration / DEOC No. 8798762758 biakpawh theih reng a ni e.
