2451/2023-2024

LUNGLEI; the 23^rd October,2023: Vawiin chawhnu dar 4:30Pm khan Lunglei District atana General Observers atana ruat  Pu Satya Narayan Rathore IAS leh Pu Avadesh Kumar Tiwari IAS te hovin EVM leh Polling Party Randomization vawi 2-na DC Conference  Hall-ah neih a ni a. He hun hi District Election Officer Pi Ramdinliani’n a kaihruai a ni.

Pi Ramdinliani chuan Election Commission of India hian EVM chungchangah hian a fimkhur em em a, a fair tur chauh a ni lova, a lang fair bawk tur a ni, tih hi a thupui a ni,  a ti.  1st Randomization tahrik ni 18/10/2023 a neih takah khan  computer in Balloting  Unit(BU),Controlling Unit(CU) leh VVPAT inkawp tur te  a thliar fel  bakah,an hmanna tur Constituency te pawh thliar fel nghal vek kha a ni a.Vawiin 2^nd Randomization-ah chuan EVM te chu  Polling  station tina an hma turin a thliar fel leh a ni.

2^nd Randomization a Polling station wise a hman tur EVM a thlan chhuah print out hi candidate (awm lo chuan a a agent) hnenah pek vek an ni bawk. Tunah hian Lunglei District-ah Balloting  Unit-256,Controlling Unit-250 leh VVPAT---275 a awm  a.He tang hian Lunglei District chhunga Polling Station 176 a hman tur 176+  Reserve  20% (of PS), BU leh CU bakah 30% (  of PS)  VVPAT te an randomised a ni.EVM chu tun inthlanna atan chuan randomized zawh tawh a ni a. Polling party te chu 3^rd(Final) randomization an la hmabak a ni.

Vawiin 2^nd EVM leh Polling party Randomization programme-ah hian General Observers te, RO,ARO leh Election  official dang te leh  Candidate, Candidate te agent, an tel a ni.