2450/2023-2024

Dated Siaha 23rd October, 2023 : Vawiin khan DC Mini Conference Room-ah MLA General Election 2023-a vote thlakna tur EVM leh VVPAT hmanruate thliar fel hna (randomization) vawihnihna chu Election General Observer Pu P.S. Pradyumna (IAS) hovin neih a ni.

Vawiin Randomization- ah hian EVM leh VVPAT hmanruate a hmanna tur polling station duhthlan bik awm lovin Election Commission of India in ruahmanna a lo siam tawh angin khawl hmanga siam a ni.

Election General Observer Pu P.S. Pradyumna hian vawiin vek khan political party hrang hrang aiawhte a hmu nghal bawk a. Inthlanna felfai leh thianghlim tak nei turin party-te a chah a. Harsatna an neih ang angah hmuh leh zawhfiah theih reng a nih thu sawiin, inthlahrung lova a tul dan anga amah hmu turin a chah nghal a. Party zawng zawngte inthlanpui lo awm turah duhsakna a hlan nghal bawk.

Vawiin EVM leh VVPAT Randomization neihnaah hian Pu Lalhmunsanga Hnamte, DEO, Returning Officer pahnih leh Asst. Returning Officer- 39-Saiha (ST) A/ C leh 40-Palak(ST) A/C, Election Officer, DIPRO bakah Political Party aiawh te an tel thei a ni.