2449/2023-2024
Hnahthial the 23rd October 2023: Subject: Voter-te hriathran theihna tura Document pawimawhte.
General Election to the Mizoram Legislative Assembly, 2023 chungchanga Election Commission of India (ECI) thuchhuah dated 17th October, 2023 chuan Mizoram chhung Assembly Constituency hrang hranga vote nei Electors' Photo Identity Card(EPIC) pek chhuahte chu Polling Station-a vote thlak dawnin EPIC Card keng vek turin a ti a. Hei hi anmahni ngei an ni tih finfiahna tura ruahman a ni.
1. He hmalakna hi Section 61 of the Representation of the People Act, 1951 anga vote neitu ni lo, midang hmanga vote inthlak sak ven nana ruahman a ni a. Vote neitu dik takin mimal duhthlanna hmanga vote a thlak theihna turin he Dan Section 61-in a sawi angin EPIC chu vote thlak dawna vote neitu finfiahna atan hman a ni.
2. Registration of Electoral Rules, 1960 hnuaia Rule 28-na chuan ECI chu vote inthlaksak a awm loh nana vote turte enfiah vek turin a ti a. Vote nei zawng zawngte chu anmahni thlalak ngei chuanna Electoral's Photo Identity Card(EPIC) pe chhuak vek turin thuneihna a pe bawk.
3. Engemaw rolkhawlhna avanga EPIC nei remchanglo te chuan an mahni ngei a ni tih finfiahna turin a hnuaia Photo Identity Document tarlante hi kengin vote a thlak thei ang.
i) Aadhaar Card
ii) MNREGA Job Card
iii) Banl/Post Office atanga thlalak chuang Passbook pek chhuah
iv) Ministry of Labour atanga Health Insurance Smart Card pek chhuah
v) Driving License
vi) PAN Card
vii) NPR kaltlanga RGI in Smart Card a pek chhuah
viii) Indian Passport
ix) Pension lehkha pawimawh chuanna
x) Service Identity Card thlalak chuanna Central/State
Govt/PSUs/Public Limited Companies ten an hnuaia thawkte tana an siam sak
xi) MP/MLA/MLC-te Official Identity Card
xii) Unique Disability ID(UDID) Card, M/o Social Justice & Empowerment, Government of India
4. Electors' Photo Identity Card (EPIC) a thu inziak fiah tawk lo, chhutsual palh leh harsatna dang awmte chu EPIC atanga vote neitu finfiah theih a nih phawt chuan pawm tur a ni. Assembly Constituency hran daiha awm Electoral Registration Officer atanga EPIC siam tirte chu vote an thlakna tur Polling Station huamchhung electoral roll-ah an hming a chuang a nih chuan an EPIC chu enfiah tura pawm theih a ni. Thlalak in mil lo leh harsatna dangte avanga elector nihna finfiah a harsat chuan a chunga Para 3 in a tarlan document hrang hrang zinga engemaw ber khi amah a ni ngei a ni tih finfiahna tur atan a hmang thei ang.
5. A chunga tarlan piah lamah hian ram danga awm India rama vote nei (overseas elector), Section 20A of the Representation of the People Act, 1950 hnuaia electoral roll-a chuang ten vote an thlak dawn chuan Polling Station-ah anmahni ngei a ni tih finfiah nan document dang hmang lovin an Original Indian Passport chauh an hmang tur a ni.
6. Voter-in vote thlakna tur Polling Station huamchhunga electoral roll-a a serial number, vote thlak ni, hun leh tul dangte a hriat theih nan Election Commission of India chuan February ni 26, 2021 khan Photo Voter Slip hmang tawh lova 'Voter Information Slip' hman tawh nise tin thuthlukna a siam a. Voter Information Slip-ah hian hriattur pawimawh hrang hrang; Polling Station, vote thlak ni leh hun bakah pawimawh dangte a chuang a ni. Voter Information Slip hi a lo berah vote thlak hma ni 5 ah vote neite hnenah semchhuah vek hman tur a ni a. Voter Information Slip hi vote thlak turte finfiahna atan erawh hman tur a ni lo.
