DIRECTORATE OF INFORMATION & PUBLIC RELATIONS, Government of Mizoram, India

2448/2023-2024

LUNGLEI; the 23^rd Oct 2023: Vawiin chawhnu dar 4;00Pm khan Lunglei DC leh District Election Officer ni bawk Pi Ramdinliani IAS leh Superintendent of Police Pu Rahool Alwal,IPS, ten a rualin Kan hmalawka MLA inthlanna lo awm tur chung changa hriattur hrang hrang inhrilhhriatna hun(Joint Press Briefing) a tum 2-nan Lungleia Chanchinthar thehdarhtute DC Conference Hall an nei pui.

Vawiin Joint Press Briefing hi bawrhsap Pi Ramdinliani'n a kaihruai a, Bawrhsap chuan inthlanna felfai leh muanawm a awm theih nan chanchin thar thehdarhtute chu an pawimawh thu sawiin;mipui sukthlek tihdanglam theitu an nih a vangin, lai taka an thuziakte kalpui thin tura chahin,tun tum MLA inthlanna kan hmachhawn tura mipui hriattur pawimawh hrang hrang sawrkarin thuchhuah a siam thin te chu a tul ang thehdarhpui turin a ngen hlawm bawk a ni.

Vawiin 2^nd Press Briefing-ah hian Pi Ramdinliani chuan vawiin tlai dar 3:00Pm thleng khan MLA in candidate te tan inhnuhdawhna hun hawnah tumah in hnukdawk an awm loh avangin kumin MLA inthlanpui neih turah hian Lunglei district chhunga MLA constituency 6 atangin MLA candidates 27 kan nei dawn ta a.BJP atangin 4,INC atanga in 6,MNF atangin 6,ZPM atangin 6 ,Independent(Zoram Thar) candidate-3 leh Independent candidate -2 an ni, a ti.Constituency 6 awmin; constituency wise a candidate awm dan chu:-

I. 30-Lunglei North (ST)A/C-----4,

II. 31-Lunglei East (ST)A/C-------4

III. 32-Lunglei West(ST) A/C------6

IV. 33-Lunglei South (ST) A/C----5

V. 34-Thorang ( ST) A/C----------4

VI. 35-West Tuipui (ST) A/C-------4

Lunglei district hnuaiah hian Polling station 176 awmin, chung zinga 12 chu Pink Polling Station a ni. Lunglei District hnuaia Polling Station chhiar tel ni si, polling station 13 chu district dang Serchhip leh Hnahthial district hnuaia awm an ni. Serchhip District hnuaiah 2: Kanghmun South leh Zote South awmin, Hnahthial District hnuaiah 11: Chhipphir,Bualpui ‘V’, Rawpui,Lungmawi, Phaileng South,Pangzawl I&II, Thiltlang, Rotlang East, Leite leh Maudar te an awm bawk a ni, a ti.

Lunglei SP Pu Rahool Alwal IPS pawhin MLA inthlanpui lo awm tura venhimna chung changa an inpuahchah dan kimchang report peiin,Lunglei district a inthlanna felfai leh muanawm a awm theih nan a a tha thei ber tura an inpuahchah thu a tarlang a. Lunglei district-ah hian Police 153 awmin, chung zinga 80% chu Election duty tura ruat an ni bakah District pawn lam atangin Para Military Company 6 lokal turah Company 2 chu an lo thleng tawh a ni. Police Check post NAKAS pawh Lunglei khawpuiah 4, Tlabungah 2, Lungsen leh Bunghmunah pakhat ve ve bun fel tawh a ni, Pu Rahool Alwal chuan a ti.