394/2023-2024

Lunglei the 11th May, 2023 – Lunglei DC & Chairperson, District Disaster Management Authority, Pi Ramdinliani chuan mipui hriattur pawimawh thuchhuah dated 11/05/2023 a siam a ni:

India Meteorological Department, Ministry of Earth Sciences, Government of India in ni 10.05.2023 cyclone bulletin-a a tihchhuah angin, Bay of Bengal chhimchhak lama boruak pressure tlahniam nasa tak chuan Cyclone a siam mek a. Hei hian Mizoram pawh ni 13.05.2023 – 15.05.2023 chhung hian nghawng telin, thli na tak leh ruah thahnem tak sur tura ngaih a ni a.

Cyclone chungchangah hian mipuite chiai lo turin kan inhriattir a. Chutih rualin cyclone vanga chhiatna thleng thei hrang hrang laka inven dan ngaihtuaha fimkhur tur leh, inkaihhruaina te hi zawm turin ngen leh hriattir kan ni e.

1. Mahni in leh a vel te uluk taka thlithlai a, thli leh ruah lak-a a him theihna’n a tul anga thawm that tur a ni. Tui paihna leh tuihawk luankawr te mumal taka siam/thenfai tur a ni.

2. Mahni in leh a velah leimin hlauhawm a awm a nih chuan silpaulin/tarpaulin a khuh that tur a ni.

3. Thing leh mau thli in a len thluk mai theih, electric wire delh mai thei techu kih/a zar thlak tur a ni.

4. Thlipui leh ruah vanga eng (power) neih loh theih a nih avangin electric hmang thil te a charge lawk theih apiang charge lawkin, power supply awmloh pawh a eng chhit tur in ruahman lawk tur a ni.

5. Office leh zirna in hrang hranga thawkte’n office leh zirna in building leha chhehvel uluk taka thlithlai a, cyclone laka a him theihna’n inven dan ngaihtuah a, a tul anga thuam that tur a ni.

6. Khualzinte tan kawng lakah chhiatna thleng thei palhah tui thianghlim leh eitur inruahman lawk theih a tha.

7. Lui leh tui hmunah te kal loh tur.

Thudik tawklo leh belhchian dawllo thehdarh loh tur a ni. A lo theh darh an awm chuan The Disaster Management Act, 2005 hnuaia hremna dan ziak angin an chungah action lak a ni ang.

Chhiatna a lo thleng a nih chuan a rang thei ang berin District Emergency Operation Centre (DEOC) Phone Number 2323635/2325949 ah emaw, bialtu Incident Commander te emaw hriattir vat tur a ni.

Cyclone chungchanga mipui hriattirna_LLI_10052023.pdf