425/2023-2024

Lunglei the 12^th May, 2023 - India Meteorological Department, Ministry of Earth Sciences, Government of India in ni 10.05.2023 cyclone bulletin-a a tihchhuah angin, Bay of Bengal chhimchhak lama boruak pressure tlahniam nasa tak chuan Cyclone a siam mek a. Hei hian Mizoram pawh ni 13.05.2023 – 15.05.2023 chhung hian nghawng telin, thli na tak leh ruah thahnem tak sur tura ngaih a ni a. Tin, May ni 14 ah hian thlipui na tak rawn thawk thut thei a ni bawk a.

Cyclone Mocha chungchangah hian chiai lo turin Lunglei DC & Chairperson, District Disaster Management Authority, Pi Ramdinliani, IAS chuan Lunglei District mipuite a ngen a. Chutih rualin cyclone vanga chhiatna thleng thei hrang hrang laka inven dan ngaihtuaha fimkhur tur leh, inkaihhruaina thuchhuah siam tawh te zawm tura ngen leh hriattir kan ni.

Vawiin chawhma khan Mizoram Chief Secretary Dr Renu Sharma kaihhruaina hnuaiah Video Conference kaltlangin inpuahchah dan tur leh ruahmanna kal mekte sawihona meeting neih a ni a. Lunglei District atangin DC & Chairperson, District Disaster Management Authority, Pi Ramdinliani, IAS hovin DM&R kaihhnawih official-te meeting ah hian an tel a ni.

Hemi chungchangah hian Lunglei District-ah a theih angin inpuahchahna kalpui mek a ni a:

1.     Lunglei CMO chu Ambulance leh a tul ang damdawi stock lo ruahman lawk tura hriattir a ni.

2.     He Cyclone avang hian leimin thleng thei anih avangin General Manager (P), NHIDCL, PMU Lunglei chu excavator leh earthmover te che thuai thei tura lo in ruahman lawk tura hriattir a ni a.

3.     Tlabung chu tui len nasat thin na hmun (Flood Prone Area) anih avangin Tlabung a hman theih tur mipuite dah himna hmun safe building lo identify turin Tlabung SDO (C) pawh hriattir nghal a ni a.

4.     Lunglei District huamchhunga Zonal Officer, DM&R te chu anmahni area theuh uluk taka vil tura hriattir an ni.

5.     Ni 13.05.2023 to 15.05.2023 chhunga Cyclone Mocha lo thleng turah kan lo inral rin theih nan Lunglei District Emergency Operation (DEOC) Lunglei chu 24x7 chhunga biak theih reng leh report te dawng sawng thei reng tura hawn tur a ni.

Chumi atan chuan a hnuai ami ang hian DEOC a Duty turte ruat an ni.

Mipuiten harsatna kan nei a DEOC biak pawh duhna kan nei a nih chuan phone No. 0372-2323635/0372-2325949 ah te hian englai pawhin biak pawh theih reng a ni.