419/2023-2024

Aizawl, 12th May, 2023 : Dr P.C. Lalramliana, Principal Director, Health &Family Welfare Department chuan Cyclone 'Mocha' Mizorama lo tleh thei tura ngaih chungchangah Health &Family Welfare Department hnuaia thawk zawng zawng te zawm tur hriattirna a hnuaia tarlan ang hian thuchhuah a siam.

Directorate of Science & Technology, State Meteorological Centre in lehkha No.B.12020/8/2015-DST Dated 11.05.2023-a a tarlan angin May ni 12, 2023 atanga May ni 14, 2023 chhungin Mizoramah Cyclone Mocha tleh tura ngaih a ni a. Hemi chhung hian District tina Hospitals/SDHs/CHCs/PHCs/Sub-Centres te chu a hnuaia mi ang hian inring tura ngen leh hriattir an ni e.

1. Disaster Management Plan protocol awmsa anga hmalak tur a ni.

2. Khuarel chhiatna thleng thei a nih avangin Medical staff zawng zawng te in ring tura hriattir an ni a. Mass Casualty a awmin Leave la mek te (excluding Medical Leave) chu anmahni awmna station ah koh let an ni ang.

3. Structure nghet lo (hoardings, signboard, inchung rangva etc.) te tih ngheh ni se. Drainage te pawh thenfai tur a ni e.

4. Equipments leh khawl thil chhe thei lakah fimkhur tur a ni e.

5. Health & Family Welfare hnuaia staff zawng zawng te tul lo lovah chhuak loh a, zin vei vak lo turin kan in hriattir e.