Mizoram Chief Minister Pu Lal Thanhawla sawmna ngaipawimawha zankhat riaka Mizorama rawn zin, Czech Republic Ambassador Hyenik Kmonicek leh a thuihhruai ten tukin khan State Guest House-ah Chief Minister Pu Lal Thanhawla an kawm.
Czech Ambassador hi Mizorama airport thar siam belh chungchangah leh Lengpui airport tih changtlun theih dan chungchang sawi tura lokal an ni ber a. Airport thar siam chungchang bikah chuan Modular Airport an tih, man to lutuk lo, runway sei pawh ngailo, control tower (ATC) leh thlawhna operation atana pawimawh dang keng tel, harsa vak lova bun mai theih chu Lunglei khawpui bula Kawmzawl chu hman nise tiin an sawi hova. An lokal leh hunah helai hmun hi an tlawh dawn bawk a ni. Hei hi puitlin theih anih chuan tuna North East-a service mek, ‘North East Shuttle’ hi Kawmzawl ah chuan service ve thei tura beisei anih thute an sawiho bawk a ni.
Lengpui Airport tih changtlun chungchang pawh sawiin, tuna runway light leh Precision Approach Path Indicator (PAPI), hun rei tak atanga tha tawh lo chu siam that an in tiam a. Lengpui Airport hi tlangin a hual vel avangin Instrumental Landing System (ILS) sawi thin hi Czech mithiamte chuan a hman tangkai tak tak theih an rin loh thu an sawi a. A aiah Radar Control System hman zawk an rawt a ni. Tuna Control Tower pawh hi, hei aia lian zawk leh khawl changkang zawk hman ni thei se an ti bawk a ni.
Lengpui Airport tih changtlun chungchang pawh sawiin, tuna runway light leh Precision Approach Path Indicator (PAPI), hun rei tak atanga tha tawh lo chu siam that an in tiam a. Lengpui Airport hi tlangin a hual vel avangin Instrumental Landing System (ILS) sawi thin hi Czech mithiamte chuan a hman tangkai tak tak theih an rin loh thu an sawi a. A aiah Radar Control System hman zawk an rawt a ni. Tuna Control Tower pawh hi, hei aia lian zawk leh khawl changkang zawk hman ni thei se an ti bawk a ni.
