Nimin khan Dairy Entrepreunership Development schemes and Other Government Sponsored schemes te tan Mizoram Regional Office, Aizawl ah State Level Workshop neih a ni.

State Level Workshop ah hian SLBC, Commercial Bank, Mizoram State Apex Cooperative Bank (MCAB), Mizoram Rural Bank, Animal Husbandry & Veterinary Department, Govt. of Mizoram, RSETI, MD, Milk Union leh DEDS leh NLM scheme aiawhte an tel a ni.

Pu VR Nag, DGM chuan Dairy Entrepreunership Development schemes and Other Government Sponsored schemes chu bawng vulhtuten bawnghnute tam zawk leh tha zawk an thar chhuah theih nan a sawrkar duan a nih mai bakah eizawnna tha tak a nih ngei theih na tur a kalpui a ni, a ti a, Bank hrang hrangte chu heng scheme te hi a hlawhtlin zawk nan bawng vulhtute hi a tul anga pui zel turin a chah bawk.

Pu H.Lalhmachhuana, Manager chuan DEDS & other Government sponsored scheme chungchangah power point presentation hmangin scheme hman tangkai dan te, a dil dan leh tanpuina hrang hrang pekchhuah dan sawiin hun a hmang a. Pu Remliana, Managing Director, MULCO chuan Mizoramah bawnghnute indaihlohna a nasat thu sawiin Bawng vulh lama tan lak a ngaih nasat thu a tarlang bawk.