Kar hmasa 23^rd August 2018 leh 24^th August 2018 khan Sawrkar Laipui hmalakna Scheme Swachh Bharat Abhiyan hnuaiah Lunglei RD Block chu ulau taka zun leh ek thiar kawnga Block fihlim - Open Defecation Free (ODF) finfiahna Block Level ODF Verification neih a ni. He Block Level ODF Verification ah hian Lunglei District Water and Sanitation Committee member ten Vanhne, Thuampui, Tawipui S leh Dawn khua te tlawhin Swachh Bharat Abhiyan kaltlanga ek in sak te a hmunah an enfiah a. Enfiah hna hi Hnahthial Block leh Lungsen Block ah pawh neih chhunzawm zel tura ruamhanna siam a ni.