Excise & Narcotics Department chuan nimin January 22 khan hmun hnihah Heroin an man.

Nimin tlai dar 4:00 vel bawr khan Pi V.L. Kapi (53) d/0 Kaphranga (L), Ramhlun Vengthar kut atangin Heroin gram 5, 500 mgs an man. Pi V.L.Kapi hian Heroin hi a hlawma lain addict hnenah a zuar leh thin niin a sawi.

Nimin tlai vek dar 5:30 khan Lallunghnemi (27) d/o Khawlianluta (L), Armed Veng North leh Nitiali (45) d/o Kapluaithanga (L), Zokhawthar, Champhai District inti hnen atangin Heroin Gram 12 an man bawk. Heroin hi Tiau atanga a lak niin Nitiali hian a sawi.

Heng an mi man te hi Excise & Narcotics Department chuan Section 21(b), Narcotics Drugs & Psychotropic Substances Act, 1985 (ND&PS Act) hnuaiah thubuai an siamsak a, Judicial Remand-in Central Jail-ah thawn nghal an ni.