Dampa Group YMA Conference Vawi 38-na chu ni 8 - 9 April, 2010 khan Damparengpui ah neih a ni a. He hun hi Pu John Rotluangliana MLA, Deputy Speaker ni bawk in a hmanpui
Thusawiin Pu John Rotluangliana Deputy Speaker chuan tunlai khawvel hmasawn zelah hian Kan ram siam thatna turin Thalaite hian mawh kan phur a ni tiin hlimhlawp thil mai ngaihtuah lova a taka thawktu ni theuh turin thalaite a chah a. chumi atan chuan keimahni theuh kan in ngaihtuah a kan in enfiah a tul an a ti. Tunlai thalaite dihmun sawilangin thalaite hian hnathawh kan uar lovin nu leh pate kan ring ta lutuk ta ni a hria in remhria leh fing zawk thalaite hian kan nu leh pate hi kan eizawnna kawngah hian kan kaihhruai a hun tawh zawk a ni tiin chutianga kaihruai thei tur chuan kan in buatsaih a tul a ni a ti bawk Khuallian chuan Kut hnathawk, harsa zawkte'na eizawnna ngelnghet neia lei rem an rah ve theihna tura Sorkarin Scheme a siam, NLUP pawh a hlawhtlinna chu thalai, tha chak zawkte kutah a in nghat a ni tiin hemi atan hian nu leh pate tawiawm tlat turin a chah a ni. YMA kum puan 'Khawtlangnun siam that chungchang sawiin a veia vei ringawt hi a tawk tawh lova, keimahni mimal theuhvah a bul tan ila, chu chuan rah duhawm tak a chhuah ngei dawn a ni a ti. Thalaite chu Mizo kan nihna hi khawi hmunah pawh zahpui lovin hnamdang tihdan kan entawn pawhin a thalai entawna kan hnam hmasawnna tur zawnga hmang thin turin a ngen bawk a ni. A sawizelna ah Bialtu MLA chuan Khawthlang bial hi hnam chi hrang hrang awm khawmna kan nih angin kan rilru pawh a zau a ni tiin Zorama chengte chu Mizoram mi vek kan nih avangin Zoram hmasawn na turin theihtawpa tan kan lak tlan a tul a, chumi a tan chuan lungrual taka hma la chho zel turin thalai kal khawmte a chah bawk a ni.
Pu John Rotluanghana Deputy Speaker hian Conference tanpui nan Rs 10,000/- (Singkhat) a pek bakah Group huamchhunga Branch 11 te hnenah Silpoulin 1 (pakhat) theuh a pe bawk.
Pu. P.C. Lalthanzuala, Fin. Secretary, SubHqrs YMA Mamit pawhin thusawina neiin Conference tanpui nan Rs 1000/- (Sangkhat) Sub.Hqrs Mamit hmingin a hlan bawk a ni.
Dampa Group YMA conference ah hian Agenda engngemaw zat pass in chung zingah chuan - W. Phaileng Greater Water Supply Scheme chak zawka hmalak ni rawh se tih te, Higher Secondary School, W. Phaileng sorkar-in la rawh se tih te, Teirei Luia nungchate hi tun aia nasa in Group YMA in humhalh rawh se tih te leh West Phaileng leh Marpara inkar kawng hi siam that thuai anih theihna turin Dampa Group YMA hian hma la rawh se, tih te a tel a ni.
Bialtu MLA hian nimin vek khan tun hnaia Cyclone in Damparengpuia in a tih chhiat chhungkaw 20 te hnenah tanpuina Rs 2000/- theuh a hlan bawk.
Pu John Rotluangliana, Bialtu MLA chuan vawiin hianTuipuibari leh Rajivnagar tlawhin V/C leh party hruaitute kawmna hun a nei a. Cyclone in In a tih chhiat Tuipuibari a chhungkaw 41 leh Rajivnagar a chhungkaw 46 te hnenah tanpuina Rs 2000/- theuh a hlan nghal bawk a ni
Pu John Rotluanghana Deputy Speaker hian Conference tanpui nan Rs 10,000/- (Singkhat) a pek bakah Group huamchhunga Branch 11 te hnenah Silpoulin 1 (pakhat) theuh a pe bawk.
Pu. P.C. Lalthanzuala, Fin. Secretary, SubHqrs YMA Mamit pawhin thusawina neiin Conference tanpui nan Rs 1000/- (Sangkhat) Sub.Hqrs Mamit hmingin a hlan bawk a ni.
Dampa Group YMA conference ah hian Agenda engngemaw zat pass in chung zingah chuan - W. Phaileng Greater Water Supply Scheme chak zawka hmalak ni rawh se tih te, Higher Secondary School, W. Phaileng sorkar-in la rawh se tih te, Teirei Luia nungchate hi tun aia nasa in Group YMA in humhalh rawh se tih te leh West Phaileng leh Marpara inkar kawng hi siam that thuai anih theihna turin Dampa Group YMA hian hma la rawh se, tih te a tel a ni.
Bialtu MLA hian nimin vek khan tun hnaia Cyclone in Damparengpuia in a tih chhiat chhungkaw 20 te hnenah tanpuina Rs 2000/- theuh a hlan bawk.
Pu John Rotluangliana, Bialtu MLA chuan vawiin hianTuipuibari leh Rajivnagar tlawhin V/C leh party hruaitute kawmna hun a nei a. Cyclone in In a tih chhiat Tuipuibari a chhungkaw 41 leh Rajivnagar a chhungkaw 46 te hnenah tanpuina Rs 2000/- theuh a hlan nghal bawk a ni
