No103/2021-2022

Mamit 12th April, 2021 : Dampa Tiger Reserve hnuaia Wildlife Guards-te hi Casual M/R an ni a. An hlawh hi National Tiger Conservation Authority (NTCA), Government of India atanga hmuh thin ani. Kum 2020 – 2021 Financial Year atana an hlawh tur hi Covid-19 hrileng avanga sum harsatna avangin kan dil zat min pe lo va, thla 6 hlawh daih chauh min rawn pe a. Chu chu thla 6 (April – Sept 2020) hlawh atan January 2021 khan pek chhuah tawh a ni. Hemi bak hi vawiin thleng in Central atangin sum hmuh belh la awmlo mahse Department hotute remruatna-in thla 3 hlawh (Oct – Dec, 2020) pek leh tawh an ni.

Dampa hmasawnna hna a kal reng laia a vengtute hlawh tur awm si lo tih thuchhuah chungchangah Central atanga sum hmuh zawng zawng hi Hlawh (Wages) atan a hman vek theih a ni lo va. Hlawh tur leh hnathawhna tur hi head hrana pek a ni a, hman pawlh chu financial rules kalh tlat a ni. Hlawh atana sum mamawh zat ngaihtuah chuan hnathawhna nana sum hman hi engthammah a ni lo.

Wildlife Guards-te hi rawih an nih dan te, tangkai zawka chhawr an nih theih dan tur leh an duty kalphung tur, tihtur leh tihloh turte hriattir a pawimawh a. Hemi avang leh DP&AR, Govt. of Mizoram Office Memorandum Dt. 5th April 2021 -in a phut angin intiamkamna (Deed of agreement) neih a tul avangin personal interview neihtir a lak thar nise tih a ni. Personal interview hi an tan a remchan zawk nan khaw hrang hrang hmun 5-ah neih niin zawh a ni tawh a ni.