No104/2021-2022

Lunglei District Level Task Force on Covid-19 chu an Chairman Lunglei DC Pu Kulothungan A kaihhruaiin Lunglei DC Conference Hall-ah vawiin khan an thukhawm. Meeting-ah hian Lunglei District-a Covid-19 hrileng laka invenna hmalakna kal mek, dinhmun tlangpui leh hmalak tul te sawiho a ni. Meeting-ah hian CMO Dr LC Liana leh DLTF member dangte, leh VLTF member sawm bik te an tel a ni.

DLTF Chairman Lunglei DC Pu Kulothungan A chuan Covid-19 hrileng do kawngah sawrkar leh VLTF-te tangkawp chuan tha thlah lovin theitawp an chhuah chhunzawm zel dawn a ni tiin mipuite pawhin he hri laka invenna kawnga tih tur leh tih loh tur te fimkhur taka kan zawm zel a tul a ni, a ti.

9th April, 2021-a Mizoram sawrkar DM&R Department in inkaihhruaina a tihchhuah chu Lunglei District-a tha taka kenkawh anih theihnan Meeting-ah hian ruahmanna siam ho a ni a. Lunglei District tana Dedicated COVID Health Centers (DCHC) atan Urban Primary Health Centre (UPHC), Sazaikawn ruat a ni a. Covid Care Centre (CCC) neih sa Zobawk PHC bakah SIRD Pukpui chu CCC atan ruat belh a ni a. Quarantine Centre atan Tourist Lodge leh DIET-te ruat an ni bawk. Covid-19 Executive Duty pawh chhunzawm leh ni se tih rel niin Department tin atangin khawpui chhung hmun hrang hranga duty tur ruat leh an ni ang.

Healthy Lunglei Campaign neih tan pawh rel niin hemi hmalakna hnuaiah hian Covid-19 hrileng darh zel lohna tura mipuiten an tih tur leh tihloh tur te inzirtirna kalpui a ni dawn a. Social media lamah campaign buatsaih anih dawn bakah poster leh video clip te siam a ni ang.

Lunglei CMO Dr LC Liana chuan report pein Lunglei District-ah Covid-19 positive mi 421 (mipa – 380 leh hmeichhia 41) hmuhchhuah awm tawhin tun dinhmunah Covid positive mi 3 enkawl lai mek an awm a. Test 16,377 neih tawh niin hengte hi Rapid Antigen Test 6845, Truenat (wef June 12, 2020) 7994 leh ZMC-a RT-PCR Test 1538 te a ni. Quarantine na hmun hrang hrangah mi 6907 te dah hran an ni tawh bawk.

The Mizoram (Containment and Prevention of Covid-19) Ordinance, 2020 hnuaia Dan bawhchhia te atangin Lunglei Police chuan 09/05/2020 atanga 31/03/2021 thlengin Fine Rs. 11,78,000/- an collect tawh a ni.

Covid-19 vaccination pawh kalpui zel niin 10/04/2021 thlenga vaccination pek chhuah tawh dan chu hetiang hian a ni: