Vawiin chawhnu dar 2:00 khan Chrismas leh Kumthar vuakvet a Dan leh Thupek kenkawh chungchangah DC’s Conference Hall Saiha-ah Meeting neih a ni.

He meeting hi Pu Vanlalngena, Additional Deputy Commissioner, Saiha chuan a kaihruaia, meeting neih anih chhan sawifiah in kan hma lawka Chrismas leh Kumthar lo thleng tura inbuatsaih nan leh he hunpui chhunga Halpuah leh Halmawi lam chi reng reng bakah Naupang Silailem a mu hmang chi te khuahkhirh anih theih nan he meeting hi neih anih thu a sawi a, heng halpuah leh halmawi lam chi reng reng te hi mihringte hrisel na atan a thatloh thu leh ranvulh te tan pawh a hlauhawm thu a sawi a, chuvangin uluk leh khauh zawka khuahkhirh a tul thu a sawi bawk.Meeting chuan VC te leh tlawmngaipawl hrang hrang hruaitu te chu mahni veng chhung Information Center theuh atangin Chrismas leh Kumthar vuakvet chhung a Halpuah leh Halmawi lam chi reng reng hal khaptlat anih thu puang theuh turin a ngen bakah Kohhran hrang hrang ah pawh heng Halpuah leh Halmawi lam chi reng reng te hal lo tura mipuite hnenah ngenna lo puanzar sak turin ngenna siam tum a ni bawk.

He meeting ah hian Saiha khawpui chhunga Head of Office te, veng hrang hrang V.C. te, Tlawmngaipawl hrang hrang hruaitu te, Kohhran hrang hrang aiawh te leh Chanchinbu mite an tel a ni.