International Anti Corruption Day 2012 pualin vawiin khan Govt. Kolasib College-ah College zirlaiten Debate an nei a. Debate hi Sap tawng leh Mizo tawng neih a niin thupui pahnih thlan chhuah a ni a. Sap tawng thupui ‘ The best way to eradicate Corruption is moral teaching in the Society’ tih ah hian zirlai pariat, pali veve an inhnial a. Mizo tawng thupui thlanchhuah ‘ Corruption tihbona atana tha ber chu Hremna Punishment a ni, tih a ni.Hetah pawh hian zirlai pariat bawk an inhnial a ni. Corruption dona atana Debate buatsaih hi College zirlai ten an hlut hle a. Hall khat tlatin an pungkhawm a ni.

Vawiin vek khan ‘ Corruption-in engchen nge kan khawtlang nun a nghawng’ tih thupui hmangin Talk Show Kolasib-ah hian buatsaih a ni bawk a. Hetah hian Kohhran Hruaitu Committee, MJA, Editors, Police, MZP, MSU, Sub Hqrs YMA leh Students Union, Kolasib College te an tel a. Talk Show hi Cable TV-ah te 10th Dec 2012 zanah tihchhuah a ni ang.