4417/2025-2026

Lawngtlai, 12th February 2026: Dan lova Fertilizer ( Lei chi ) zuar leh hralh chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/2/2025- DC (LTI) Tunlai hian Lawngtlai District chhungah Fertilizer (leichi) license neilo ten dan lova zawrh leh hralh a hluar hle tih hriat a ni a. Chuvangin The Essential Commodities Act, 1955 and Fertilizer(Control) Order, 1985 in a sawi angin Fertilizer (leichi) zawrh leh hralh chungchangah thupek chhuah tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT chuan heng a hnuaia thupek hi ka chhuah e.

1) Lawngtlai District chhungah Fertilizer (leichi) hmanga dan kalh a sumdawn phal a ni lo.

2) Fertilizer (leichi) te hi kan thenawm ram Myanmar leh ram dangah sumdawnna kaihhnawih thil a hralh leh zawrh khap tlat a ni.

3) Fertilizer (leichi) hi a hlawma lak a, ram danga lo hralh emaw phurh phal a ni lo.

4) Fertilizer (leichi) hmanga sumdawnna a inhmamhmawih ni a hriatte chu an bungrua leh a phurhna lirthei mansak a, license tih tawp sak theih an ni bawk.

He thupek hian chhuah a nih atanga thla hnih (2) chhung a huam ang.

He thupek hi vawiin Date 10.02.2026 hian District Magistrate Seal a nemnghetin hming ka ziah hnan e.

Sd/-
DONNY LALRUATSANGA
District Magistrate
Lawngtlai District, Lawngtlai