4416/2025-2026

Lawngtlai, 12th February 2026: Ui khuahkhirh chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/1/2025-DC(LTI):- Lawngtlai khawpui chhungah Ui khuahkhirh loh a tam hle a hriat a ni a,mipui tan himlo leh harsatna thlen thei an ni bawkin faina leh khawpui thianghlimna kawng ah khuahkhirh a tul a ni. Lawngtlai khawpui a lo thianghlim zawka mipuite kan lo him zawk nan ui vulh chungchangah thupek chhuah tul a hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Section.163, Bharatiya Nagarik Suraksha Sanhita, 2023(BNSS) in thuneihna min pek angin heng a hnuaia thupek hi ka chhuah e.

1. Ui vulhtuten an ui vulh an khuahkhirh tlat tur a ni a, mahni chenna hmun bak ah an tla tur a ni lo. Khawlaia chhuahpui dawnin Ui neitu ten chain- nen an kai ngei ngei tur a ni.

2. Ui vulh tuten mumal takin anti-rabbies Vaccine an pe tur a ni.

3. Khawlaia Ui tla reng reng neitu awmlo (Stray dog) a ngaih a ni ang.

4. Fimkhur loh vanga Uiin mi a seh chuan a neituten Uiin a seh damdawi leh inenkawlna senso an tum ang.

5. Ui khuahkhirh lohvin mihring a seh chuan BNS, 2023 Section 291 hmangin Ui neitu chu thla 6(ruk) chhung lungin tan emaw Rs. 5,000/- thleng emaw chawi theih a ni.

He thupek zawm lo chu Section 223, Bharatiya Nyaya Sanhita, 2023 (BNS)* dan hmangin hrem an ni ang.

He thupek hian Lawngtlai District pum a huam anga, thu leh awm hma chu tihchhuah a nih atanga thla hnih(2) chhung a huam ang.

He thupek hi vawiin Date 10.02.2026 hian District Magistrate Seal a nemnghetin hming ka ziah hnan e.

Sd/-
DONNY LALRUATSANGA
District Magistrate
Lawngtlai District, Lawngtlai