2577/2022-2023
Kolasib: Dated the 9th November, 2022: Tunlaiin dan phal lohva ram pawn atanga kuhva lakluh a awm thin tih hriat a ni a. Ministry of Home Affairs, Govt. of India lehkha No.1/32/2019-BM-II Dt.13.11.2019 leh Home Department, lehkha of Mizoram Govt. No. D.32021/9/2019-HM Dt. 2.12.2019 pawhin heng dan lova kuhva rah lakluh khap a tul thu a tarlang tawh a ni. Kolasib District huamchhungah pawh heng dan kalh a hmalakna awm thei lak ata inven a khap a tul a.

Chuvengin, District Magistrate, Kolasib District, Kolasib chuan Section 144 CrPC in thuneihna a pek angin a hnuaia mi ang hian thupek a chhuah.

Kolasib District huamchhung khawi hmun ah mah dan ang ni lovin kuhva rah tumahin an phur lut tur a ni lova, a paltlang nan an hmang tur a ni hek lo.

He thupek hian chhuah anih atang a ni 60 chhung a huam anga, dan bawhchhia an awm chuan Section 188 IPC hmangin hrem an ni ang.