4712/2025-2026

Lawngtlai, 5th March 2026: Dan lova Myanmar atanga Sawhthing tawlh ruk chungchangah a hnuaia mi ang hian Lawngtlai Bawrhsap chuan thuchhuah a siam.

ORDER

No.J.11013/1/2025 - DC (LTI):-  Tunlai hian Lawngtlai District chhungah thenawm ram Myanmar atangin dan lova Sawhthing tawlh ruk a awm nina hriat a ni a, he thil hi dan phal loh anih avangin thupek chhuah tula hriat a ni.

1. Kan thenawm ram, Myanmar atanga Sawhthing lakluh khap tlat a ni.

2. Lawngtlai District chhungah Sawhthing tawlh ruk dan lova phurtute hnen atangin danin phut ang ni lova pawisa lak khap tlat a ni.

3. Lawngtlai District chhungah dan lova Sawhthing hralh leh zawrh khap tlat a ni.

4. Lawngtlai District chhungah Sawhthing tawlh ruk dah khawlna tur kudam sak khawp tlat a ni.

He thupek zawm lo te chu Section 223, Bharatiya Nyaya Sanhita, 2023 (BNS) hmanga hrem an ni ang.

He thupek hian Lawngtlai District pum a huam anga, thu leh awm hma chu tih chhuah anih atanga thla hnih(2) chhung a huam ang.

He thupek hi vawiin Date 02.03.2026 hian District Magistrate Seal- a nem nghetin ka hming ka ziah hnan e.

Sd/- 

DONNY LALRUATSANGA

District Magistrate 

Lawngtlai District, Lawngtlai