Vawiin chawhma dar 11:00 khan District AIDS Prevention and Control Committee meeting chu Pu Jitender Yadav, Deputy Commissioner, Kolasib hovin DC Conference hall-ah neih a ni.

Pu Jitender Yadav chuan, “AIDS chungchangah hian a inven leh a veite enkawlna kawngah tanlak thar a ngai hle a. Health Department leh hemi lama hnathawktute kutah ringawt innghat lovin HIV/AIDS kan inkai darh zel lohna tura theih tawp chhuah hi kohhran te, NGO te leh mitin mawhphurhna a ni” a ti.

Vawiina DAPCC meeting hian January 2013 atanga October 2014 chhunga Kolasib District chhunga Kolasib District chhunga HIV veite dinhmun chipchiar takin an sawiho a. HIV hlauhawmzia mipuite hnena inzirtir tharna atan chhungkaw tinah HIV chungchang ziakna lehkha sem ni se tiin an rel a. Sum awm loh avanga hmalakna chawlhsan mai lovin, department hrang hrangte chu HIV dona atan phal taka sum thawhlawm chhunzawm zel turin ngen an ni bawk.