Mizoram Excise & Narcotics Department, Anti-Narcotics Squad te chuan Heroin thahnem tak an man.

Anti-Narcotics Squad te hian nimin (11th November, 2014) chhun dar 12:40 khan Tuikual North, Sairang Road-ah Heroin gram 38 leh a neitu Runliana (62) s/o Nothawl (L), Tahan ‘E’ Group chu an man.

Anti-Narcotics Squad te hian nimin (11th November, 2014) zan leh vawiin zing ah khan hmun thumah Heroin an man bawk. 11th November, 2014 zan dar 10:40 khan Chanmari West-ah Lalrinmuana (25) s/o Tualzachin, Zokhawthar, Champhai District leh a Heroin kawl lai 13 grams leh 500 mgs chu man a ni a. Vawiin zing dar 1:55 khan Rangvamual-ah Laljoela (26) s/o C. Chawngtluanga (L), Rangvamual Mel 3 an man bawk. Laljoela hnen atang hian Heroin 15 grams 500 mgs man a ni. Vawiin zing dar 2:45 khan Lalramnghaka (26) s/o Bahadur, Rangvamual kawn chu man a ni a, a hnen atang hian Heroin gram 15 man a ni.

Anti-Narcotics Squad ten Heroin an man zawng zawng hi gram 82 a ni.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.