Nimin ni 15/12/2015 khan Darlawn ah bialtu MLA Pu R.L.Pianmawia, Govt. Deputy Chief Whip chuan Tuivawl NLUP Cluster huam chhunga mi engemaw zat hnenah NLUP tanpuina a sem. Industry sector hnuaiah 3rd Phase leh 4th Phase-a tanpuina dawngtu mi 136 hnenah Rs 15,20,000 /- pek chhuah a ni a, Animal Husbandry & Veterinary sector hnuaiah 2nd Phase atanga tanpuina dawngtu hnenah Rs 46,24,000 /- pek chhuah a ni a, Horticulture sector hnuaia tanpuina dawngtu te hnenah Rs 21,75,500 /- sem a ni bawk. Tin Agriculture sector hnuaia 2nd Phase atanga tanpuina dawngtu te hnenah Rs 40,40,000 /- pek niin a zavaiin Rs 1,23,59,500 /- pek chhuah a ni.

NLUP semna ah thusawiin Pu R.L.Pianmawia chuan mipuite duhsakna azara thlan Sawrkar chuan NLUP a kalpui chhunzawm zel thei a ni, a ti a. Tanpuina dawngtu zawng zawng te chuan political party rilru dah thaa anmahni dawmkanna tura sawrkar ruahmanna chu tihhlawhtlin tum theuh turin a chah. Tanpuina dawng tawh tu ten bul an lo tan tha lo deuh a nih pawhin tuna tanpuina an dawn atang chuan rilru thar nen bul lo tan tha turin a fuih a, kuthnathawktu leh mi harsa te khaichhuahna programme a nih ang taka tihlawhtlingtu nih tum theuh turin a chah bawk.

NLUP tanpuina semna ah hian Pu R.L.Pianmawia hi Industries, AH & Vety, Horticulture leh Agriculture Department officer ten an tawiawm a ni.