Aizawl, the 6th May 2012 : Sawrkar Laipuiin hmasawnna atana ruahmanna hrang hrang a kalpui mek Bharat Nirman tih a hriat lar, tarlanna leh phochhuahna Mega Photo Exhibition  ni 10 chung Aijal Club-ah neih chu May ni 2 khan khar a ni.  Photo Exhibition hi Ministry of Information & Broadcasting hnuaia awm Directorate of Advertising & Visual Publicity in an buatsaih a ni.
Photo Exhibition-ah hian MGNREGS, NHRM, RMSA, RTE, ICDS, PMGSY, RGGVJ, JNNURM, IAY, National Food Security Mission leh Sorkar Laipui ruahmanna hrang hrang dangte thlalak leh thuziak hmanga tarlan a ni a. Pu Durga Nath Swarnkar IIS, FEO, DAVP Aizawl sawi danin mi 2000 chuang in Exhibition hi an tlawh an ngaihven hle a hriat thu a sawi bawk.