Vawiin khan Lawngtlai MJA Conference Hall-ah Lawngtlaia dawrkai thlan bik te pualin Vaihlo leh a khuahkhirhna dan chungchang inzirtirna hun hman a ni.

He hun hi kumin 2015 World No Tobacco Day thupui “Dan lova vaihlo hralh bansan rawh” (Stop illicit trade on tobacco product) behchhana programme siam niin, a kaihhnawih dawrkaiten an hman tangkai ngei beisei a ni.

Programme hi Dr Zothanpari Chhakchhuak, Member Secretary, Anti Tobacco Squad Lawngtlai District in kaihruaiin vaihloin hriselna a khawih pawi theih dan hrang hrang a tarlang a, hemi zawh hian Mr Z.T.Vawra Hmar, Coordinator, Tobacco Control South Mizoram chuan vaihlo leh a kaihhnawih chungchanga dawrkaite hriattur pawimawh hrang hrang zirtirna a pe bawk a ni.