DAY-NULM hnuaia hmalak dan tur sawihovin vawiin khan District Level Executive Committee on DAY-NULM te chu an chairman Pu H.Lalengmawia, DC hovin an thukhawm.

Vawiin meetingah hian khawpui chhunga chenna In neilo zawnchhuah dan tur sawiho a ni a, hemi atan hian YMA te nena thawhho dan tur ruahmanna mumal tak siam nise tih a ni a. Chenna In neilo te tana 'HOME' Kolasib district chhunga awm - TNT leh Enna In, Salvation Army - te thuamthat dan tur sawiho a ni a, hemi atan hian an mamawh zirna dawhkan leh tui dahkhawlna pek an nih thu tarlan a ni. 'Women Shelter', TNT campus, Khuangpuilam a din tura ruahmanna siam chu Project Sanction Committee in a pawm tawh thu sawi a ni a, a sakna tur pawisa an hmuh a nih hunah Management Committee Dist Level Executive Committee in a din anga, anni hian sak atanga hawn anih hnu thlengin an enkawl zui dawn a ni.

District Level Executive Committee on DAY(Deendayal Antyodaya Yojana)- NULM hi khawpui chhunga chenna in neilo zawnchhuah leh Shelter Home din te enthlithlai tura din a ni.