No.585/2021-2022

Aizawl, the 19th May 2021 : Aizawl khawpui chhungah COVID-19 positive vei hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a. Regulation 11(1) of the Mizoram Epidemic Diseases (COVID-19) Regulations, 2020 behchhanin a hnuaia veng/hmun tarlan te hi ni 19.5.2021 tlai dar 5:00 p.m atangin Containment Zone-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No. 16011/298/2020-DC(A)/Lockdown dt. 6.5.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura siam inkaihhruaina (SOP) siam chu mitinin zawm vek tur a ni.

Ramthar Veng :
Neuva Section Pu C. Lalremliana (L) inbul step zawh thlain Pu Saichhunga Sailung kawtah pheiin, Pu Thanglungmuana (L) in bulah chhovin, Pu L.Z Pachuau leh Pu Awkthianga in inkarah a chhuk thla anga, Pu Rindika in zawh chhovin Pu Zokunga (L) leh Pu Lalnunzira in inkar zawh chho zelin, Pu Lalrinzawma Ngente (L) leh Dr. C. Zarzokima in inkarah a rawn chhuk anga, kawngpui dung zawh thla in Pu C. Lalremliana (L) in a pawh ang.

Heng Containment Zone/Area chhunga khawsa, harsatna neite tan a hnuaia mite hi biakpawh theih an ni ang.