2483/2022-2023
Aizawl the 31st October 2022 : Vawiin khan District Skill Committee, Aizawl District hmalakna hnuaiah Govt. Aizawl North College-ah zirlaite thiamthil (skills) hmasawn theih nan IBM Skillsbuild programme hawnna Dr. Lalhriatzuali Ralte, DC Aizawl District in a hmanpui.

He programme hi IBM company in CSR project lama an hmalakna peng pakhat niin, Resource person pahnih, Delhi leh Kolkata atangin an rawn kal a, Aizawl chhung a college 10 ah skills training programme hi an hmang chho dawn a ni.

District Skill Committee hnuaiah hian DC hi Chairman niin, Member Secretary hi District Labour & Employment Officer a ni a. LESDE Department hi District Skill Commitee hnuaia parent department niin,  IBM Skillsbuild  hawnna-ah hian LESDE Director Pi Angela Zothanpuii pawh in a hmanpui a ni.