2482/2022-2023
Khawzawl, the 31st October, 2022: Deputy Commissioner's Office, Khawzawl District buatsaihin tukin khan Rashtriya Ekta Diwas (National Unity Day) pualin Unity Run neih a ni a. He hunah hian Addl. DC Pu Lalvenhima hovin Officer hrang hrangte, Govt. Khawzawl Higher Secondary School zirlai naupangte leh zirtirtute, an vaiin mi 100 vel an tel a; Taidawnkawn, Zaingen Veng atangin Pu Lalvenhima'n a vailiam a, Zuchhip Field No 1 thleng an tlan a ni.

e hun hmanpuitu Pu Lalvenhima, Addl. DC chuan Rashtriya Ekta Diwas chu Sardar Vallabhbhai Patel pianchamphaphak apianga hman thin a nih thu sawiin, he ni hian India ramin zalenna a hmuh theihna leh ram inpumkhatna a lo awm theihna atana a thawhrimnate leh beihnate min hriat thar tir leh thin a ni, a ti a. Thalaite chu hriselna ngai pawimawha infiamna leh taksa sawizawina lamte uar nasa turin a fuih bawk a ni.

He hunah hian Pu Kamdingliana, Lecturer, Govt. Khawzawl Higher Secondary School kaihhruaina hnuaiah National Unity Day pual thutiam lak a ni bawk.