No.2026/2021-2022
Aizawl 27th August 2021: Vawiin khan Dr. Lalhriatzuali Ralte, DC, Aizawl District, Chairman, District Working Committee on National Foundation for Teachers’ Welfare, Aizawl ni bawk kaihhruaiin Kumin 2021 Zirtirtu Ni hman dan tur relin a pisa-ah an thukhawm a.

Meeting-ah hian kumin Zirtiru Ni (Teachers’ Day), September ni 5, 2021 hi Pathian ni a nih avangin State Level Committee-in September ni 3, 2021 (Zirtawpni) a hmang tura a lo rel thu tarlan a ni a. Hripui leng avanga programme buatsaih theih a nih dawn loh avangin Zirtirtute chawimawina kawng ngaihtuahin Talk Show buatsaih ni se tih rel a ni a. Lo buaipui tur bik sub-committee ruat nghal a ni bawk a. Meeting-ah hian kum danga lo tih thin aia nasa zawkin zirtirtu chawimawina Banner tar ni se, Aizawl District chhunga zirtirtu National leh State Award lo dawng tawh zawng zawngte chanchinbu-ah pholan ni se, tih rel a ni bawk a ni.

Meeting ah hian kum kalta, 2020 chhunga Aizawl District chhunga National Foundation for Teachers’ Welfare Fund dinhmun tarlan niin Aizawl District chhungah zirtirtu natna tuar tanpuina dawng mi 29 an awm thu tarlan a ni a, meeting-ah hian NFTW Fund hi tangkai taka hman a nih avangin a thawhkhawm lamah nasa zawka tan lak a tul thu sawi a ni bawk a ni.

Dr. Lalhriatzuali Ralte, Chairman NFTW chuan National Foundation for Teachers’ Welfare Fund-ah Rs 5000/- a hlan a ni.

He hunah hian Aizawl District chhunga SDEO, Education Department hnuaia pawl hrang hrang hotute an tal a ni.