Vawiin khan Mamit DC Pu Vanlalngaihsaka chuan amah thlaktu tura ruat tuna Addl DC nilai Pi Lalbiaksangi hnenah DC nihna a hlan. Pu Vanlalngaihsaka, IAS hi Champhai DC ni turin a chhuak a ni.

Vawiin DC charge inhlan hma hian Pu Vanlalngaihsaka, IAS thlahna buatsaih nghal a ni a. DC chhuakta chuan sorkar hnathawkte chu sorkarin a dahna hmun apiangah awm tur anih thu sawiin, thu awih hi a tha a ni a ti a. Inlungrual taka thawkho zel turin sorkar hnathawk te leh khawtlang hruaitute a chah a ni.

Pu Vanlalngaihsaka thlahna inkhawmah hian DC Office, Mamit Officers Club leh khawtlang hruaitute'n ngaihruina thilpek hlanin duhsakna an hlan a ni.