Vawiin chawhma dar 11 : 00 AM khan District Legal Service Authority, Saiha District, Saiha te buatsaih in DC Conference Room Saiha-ah “ I ram hmasawnna leh dan kenkawhna kawngah State Sawrkar leh District Council Inlaichinna “tih thupui hmangin hlawhtling takin Workshop neih a ni.

He Workshop hi Dr H.T.C. Lalrinchhana MJS, Chief Judicial Magistrate, Saiha District, Saiha chuan a kaihruaia, kalkhawmte awmna thu sawiin Workshop neih anih chhan leh neih a tulna hrang hrangte kalkhawm te chu a hrilh nghal a, thutawi sawina Pu R.T. Zachono CEM, MADC, Pu N.Chakhai MCS, Additional Deputy Commissioner, Saiha leh Pu Francis Lalnuntluanga Ralte MPS, Additional SP ten an nei bawk. Session hnihna ah Pu VL Hruaizela Khiangte, MCS, Project Director, DRDA, Saiha chuan “Issues on Rural Development Schemes & Project” tih sawiin Session thumna ah Pu K. Hrahmo, EM, LAD, MADC chuan “ Issues under the Mara Autonomous District Council (Public Health and Sanitation) Rules, 2012 tih thupui hmangin thu a sawi bawk. Thupui pathumna “Issues under the Mara Autonomous District Council (Control of Vehicles Parking and Collection of Parking Fees) Regulations, 2014 and The Mara Autonomous District Council ( Taxes on Motor Vehicles) Regulations 2014 tih chu Pu K.Chhuabei, EM, Road Transport, MADC chuan a sawi bawk. Thupui palina “Issues under the Mara Autonomous District Counmcil (Trading) Regulation, 2012 and the Mara Autonomous District Council (Non-Agricultural Land Settlement) Act 2011 pawh Pu FC Lawmkima, EM, Land & Revenue, MADC chuan a sawi a ni. Sawihona leh zawhna leh chhanna hun te neih niin Pu V.Zacho, Executive Secretary, MADC chuan khaikhawmna neiin chairman in lawmthu sawina a neih hnuah he Workshop hi tihtawp a ni.

He Workshop ah hian Saiha khawpui chhunga Department hrang hrang hotute, District Council lam hruaitute, District Council a Department hrang hrang hotute, MADC a Executive Member te, Tlawmngaipawl hrang hrang hruaitute, PRISM lama hotute, Saiha District chhunga Drivers Association hrang hrang Auto Rickshaw Owners Association, Taxi Owners Association, Maxi Cab Owners Association hotute bakah chanchinbu mite leh Police lam atangin O.C. Saiha Police Station, OC Saihatlangkawn Out Post bakah Traffic Police te an tel kim hle a ni.