Vawiin khan Chief Secretary Conference Room-ah Rashtrya Krishi Vikas Yojana (RKVY) State Level Sanctioning Committee neih a ni. He meeting hi Pu Lalhmingthanga, IAS, Secretary, Agriculture Department, Government of Mizoram leh State Level Sanctioning Committee Vice Chairman ni bawk kaihhruaina hnuaia neih a ni.

Meeting-ah hian kum 2015-16 chhunga RKVY hnuaia Agriculture Department (Crop Husbandry), Agriculture Department (Research & Education), Horticulture Department, Animal Husbandry & Veterinary Department, Sericulture Department, Fisheries Department leh Soil & Water Conservation Department te sum hmanna tur ruahmanna hrang hrang siam te thlirho a ni a, heng bakah hian District Council pathum Lai Autonomous District Council (LADC), Mara Autonomous District Council (MADC) leh Chakma Autonomous District Council (CADC) ten RKVY Scheme hnuaia hnathawh tur ruahmanna hrang hrang an buatsaih te thlirho a ni bawk.

Vawiin meeting-ah hian State Agriculture Management & Extension Technology Institute (SAMETI), Mizoramin kum 2015-16 chhunga sum hman tur ruahmanna an siam Rs.819.19 lakh (Cheng nuai 819.19) leh PMKSY Scheme atana ruahmanna an siam Rs.86.72 lakh (Cheng nuai 86.72) te uluk taka enho niin meeting-ah hian pawm a ni.

He State Level Sanctioning Committee-ah hian Central Sorkar aiawhin Pu M.N. Sukumaran, Director, Oil Seeds, Ministry of Agriculture & Farmers Welfare a rawn tel bawk a, Mizoram Sorkar hnuaia Agriculture & Allied Department hnuaia Secretary leh Director te bakah Officer engemaw zat an tel a ni.