Vawiin khan Aizawl District  Deputy Commissioner Pu Shurbir Singh IAS hoin a office-ah Aizawl District Village Council khaw 91 Electoral Rolls ennawn dan tur chungchang Political Party hrang hrang aiawhte nen an sawi ho.

State Election Commission, Mizoram in Village Council Electoral Rolls siam that leh ennawnna atan hunbi tiam atan nakum January ni 1,2012 a ruat avangin  Aizawl DC chuan Political Party aiawh tinte sawmin Electoral Rolls ennawnna atan a  hriattur tulte an in hrilhfiah a.Recognised Party aiawhte BJP tih loh chu an kal kim a,uluk takin an thlirho a ni.

Ruahman dan chuan 1.9.2011 ah Official te training an nei ang a; Ni 2.9.2011 atanga 31.10.2011 chhungin Draft E/Rolls peih fel hman tum a ni a. Ni 2.11.2011 atanga 18.11.2011 chhungin sawi duh nei tan hun hawn a ni ang a, ni 21.11.2011 atanga 30.11.2011 chhungin chinfel a ni ang. Ni 1.12.2011 atanga 31.12.2011 chhungin chhut chhuah a ni ang a, tichuan E/Rolls hi 10.1.2012 ah chuan engkim peihfel tura ruahman a ni.

Aizawl DC Pu Shurbir Singh-a hian Political Party te chu khawtina E/Rolls ennawn leh siamthat hunah hian Enumerator a tana an hman Circle Assistant te chu  diktak leh langtlang taka E/Rolls siam a nih theih nana lo tanpui turin a sawm hlawm a ni. DC hi Pu J.Hmingthanmawia Additional DC, Pi Lalchhandami DLAO leh Pu Lalsiama Fambawl Dy.Director I&PR in an tawiawm a ni.