Kolasib DC Pi Niharika Rai, IAS District Programme Coordinator MGNREGA chuan Kolasib District chhunga Job Card awm zawng zawng te chu endik vek tur leh Job Card diklote chu tibo vek turin BDO/PO te a hriattir.

Hemi chungchang bawhzui dan tur hi Pu Lalramnghaka, Director, DRDA chuan duang chhuakin endik hna thawk turte pawh a ruat nghal a. DEGSU Staff paruk leh VLA ten an thawk ang a, in tinah lut chhuakin hei hi an thawk ang a. Awmna insawn leh pem te job card kalsan pawh sawi anga an pemna/awmna address a an awm ngei leh ngei loh endikin an lo awmloh chuan nuai bo, delete nghal zel an ni dawn a, job card kalsan te chu an awmna khua/vengah transfer sak an ni ang.

Endik hna hi kalpui nghal tura tih a niin muangchang lova paih tur leh siamrem ngai apiangte siam rem a nih hnuah thawh dan kimchang DPC ah thehluh nghal zel a ni dawn a. September 2, 2011 khi chuan tihtur zawng zawng peihfel hman vek tura tih a ni.