No.3697/2021-2022

Aizawl, 17th January, 2022 : Kumin India Republic Day Aizawl-a lawm dan tur chung chang ah vawiin khan Dr.Lalhriatzuali Ralte IAS, Deputy Commissioner Aizawl District hovin sawrkar department pawimawhte leh NGO aiawh te Aizawl S.P conference hall-ah an thu khawm a. Covid-19 hripui laka inven na tura sawrkar thupek leh inkaihhruaina dung zuiin Republic Day lawmna programme hi mipui pung khawm lova, sawrkar department hotu lu ber leh Joint Secretary chin chung lam te bakah sawm bik mi tlemte chauh telna tura duan a ni a. Kum danga Republic Day lawmna ti ropui leh tihlutu March Past leh Award sem te awm lovin Band party leh Armed contingent tlem te chauh tel turin ruahman a ni bawk.

D.C chuan Covid-19 hripui leng karah kumin Republic Day lawmna tluang taka neih a nih theih nan department hrang hrangte chu an chanvo leh mawhphurhna te thahnem ngai taka hlen chhuak leh turin a ngen a. Aizawl District Sr.S.P chairman na hnuaia din, Technical Committee ten naktuk ah Republic Day lawmna tur hmun, Aizawl Sipai Lammual hi tlawhin inbuatsaihna kalpui tan a ni dawn a ni.